|
||||
| Нивното достоинство имало цена - на Република Македонија ѝ турија пепел |
 Северна – зашто нивното достоинство имало цена (ФОТО)Владанка Авировиќ, Емилија Александрова, Љубен Арнаудов, Сашо Василевски, Нола Исмајловска, Елизабета Канческа Милеска, Крсто Мукоски и Зеќир Рамчиловиќ се осумте пратеници на ВМРО-ДПМНЕ и Коалицијата за заедничка Македонија чиишто имиња ќе бидат запишани со црни букви во последните денови на Република Македонија. Северна – зашто нивното достоинство има цена. 2 милиони евра некому му завршиле работа. На Република Македонија ѝ турија пепел. Предавници – зашто овие осуммина му обезбедија 2/3 од потребните пратенички гласови за отворање на Уставот за промена на уставното име на Република Македонија. Власта не бираше средства да ги обезбеди нивните два прста, а тие, пак, не покажаа личен интегритет и водени од себични побуди го предадоа народот кого го претставуваат во законодавниот дом. Гласовите за нив биле јалови, довербата на партијата изиграна, народната волја погазена. Лажна слобода во фингирани судски процеси, кули и градови, лажна слобода, пари – Македонија ја предадоа ситни души. |
