Како што пишуваат некои македонски портали, од 3.октомври 2018 до 4.ноември годинава во САД беше распишан конкурс за вработување на медиумски аналитичар и планер за медиумски активности во Македонија, на барање на Министерството за одбрана на САД

Како што стои во повикот за конкурирање, државната агенција „КОЛСА“ бара аналитичар за социјални медиуми во Македонија, кој ќе работи согласно потребите на клиентот. Досега, не успеавме да дознаеме кој е клиентот за кој државната агенција ќе работи.

Во огласот понатаму се набројуваат условите за аплицирање.

Имено, се бара апликантите да бидат државјани на САД, лица кои имаат дипломирано општествени науки, но имаат и претходно работно искуство во военото разузнавање на САД. Освен ова, се бара апликантите да прифатат и истрага од Минситерството за одбрана на САД, со која би требало да се утврди дали апликантот е соодветен за да добие безбедносен сертификат за пристап до класифицирани (доверливи) документи во врска со Македонија, кои потоа би се употребувале во медиумскиот простор во Македонија.

Огласот е затворен, а нашата редакција не успеа да добие одговор за тоа кој ја добил работата.

Дали во Македонија се подготвува нова политичка криза предизвикана на сличен начин како онаа во 2016. година со т.н. „бомби“ на Зоран Заев, останува да видиме.

Инфокамс.МК