Ристана Рина – Николова

Ej, МAKEДОНИЈО MOJA!

Некој со страдален шепот потшепна:

Зборот ми го забрануваат МАКЕДОНСКИ,

мислата МАКЕДОНСКА ми ја бришат,

јазикот ми го сечат само ако шепнев по МАКЕДОНСКИ.

Јас гласно ќе провикнам:

Чудесно среќна сум,

што се родив на праисконска МАКЕДОНСКА земја земја библиска!

И мајка Македонка, и татко Македонец, јас,

Македонка, со широко отворени очи,

со поглед вперен кон недовиднината МАКЕДОНСКА.

Нема заборав на прадедовината наша,

наша предвечнина.

И мислата, и размислата,

болката и плачот ми се МАКЕДОНСКИ.

Бистрината на солзата моја е МАКЕДОНСКА.

Сонце светлозрачно зрачи од мојата лика МАКЕДОНСКА.

ЕЈ,МАКЕДОНИЈО МОЈА...

НЕПОКОР И ДОСТОИНСТВО,

ПИРЕЈ Е ТВОЕТО СЕМЕ,

ВЕЧНО Е ТВОЕТО ИМЕ!