ЗА ИЛИНДЕН

Автор: Гордана Димовска

И ете дојде ден на радост

Празник голем славиме

За историја зборуваме

Историја паметиме

На борците се поклонуваме.

Учиме за Гоце, Јане, Питу и Карев

За големи имиња важни

Не заборавајте деца,

Тоа се имиња на херои славни.

И ене

Погледај горе во синото небо

прелетува птица бела

Со порака да се чува и брани

Македонија цела.

Сончев зрак падна на споменик стамен,

Силно го огреа и Мечкин камен.

Сведокот на нерамни борби

На втори Август, 1903 та.

Историја паметиме

На борците се поклонуваме.

Илинден го славиме.

Еј Македонијо земјо света

Земјо прекрасна и мила

Земја херојска си била.