ОСТАНУВАМ ЈАС

"Јас"
во "Мене"
останувам Јас
и никој друг:
со слободен дух
и слободна душа!
Ако ме врзат
со синџири,
ако ми ги врзат
рацете и нозете,
ако ме распнат
и ми стават
јамка на вратот,
ќе го гледам
само Јуда
како виси,
ќе го жалам,
но не и себе...
Кога се родив
мојата Голема Мајка
не викна наречници
судба да ми проречат,
туку тивко ми рече:
Ти,
никогаш
нема да бидеш поробен
без твојата согласност,
зашто,
длабоко во тебе
го носиш
печатот
на твојата Татковина!
Јас,
останувам Јас,
тука
каде што сум роден.

Панде Манојлов