Со цртање нови карти древните не се ништат..

Не сме испишани со молив па со гума ќе не избришете? Народ со гума не се брише..

Јас Постојам. Македонка сум, Христијанка православна. И повторно да се родам одбирам МАКЕДОНКА ДА СУМ! Гордо ќе си го носам својот крст на плеќи. Целото богатсво на земјава да го имам ако Татковината ја изгубам јас сум Ништо. Една празнина без име и идентитет.

ЧУМУ ти е Татковината ако не знаеш да ја сакаш?

Чуму ти се децата ако не знаеш да ги сакаш?

Чуму ти е животот?

Ни еден живот не е повреден од Татковината.

Кога ке сфатиме дека Македонија не треба да се сака мегу редови?

Кога ке сфатиме дека мајката се сака со чист образ?

Кога ќе сфатиме дека со мајката нема водење ПОЛИТИКА.

Никако да сфатиме дека се што припаѓа на Македонија не може да е мое твое.. Тоа може да е само НАШЕ.

На исток Македонија На запад Македонија На север Македонија На југ Македонија.. Од сите четири страни Македонија со себе граничи.. Од сите четири страни на македонски јазик се говори. Од сите четири страни kako река се слеваат букви, слова, зборови македонски. Јазикот не одржал со векови..

Војна не се води само со оружје.

Војна се води И со договори и преговори на маса или на тркалезна маса каде што СЕГА се распродава Македонија.

Македонија сакаат да ја умрат пред наши очи. А всушност не умира земјата како поим умираме ние како народ.

Нема да дозволиме други да решаваат кога да живееме и кога да умреме.

Јазикот е клучот на нашето срце. Го губиме клучот го губиме јазикот...Ја губиме црквата ја губиме душата.

Горе глава МАКЕДОНЦИ, гробовите попатни тоа не ни го дозволуваат.

Небото над нас не го дозволува.

Земјата по која газиме не го дозволува.

НИЕ ТОА НЕМА ДА ГО ДОЗВОЛИМЕ! Да ни е ВЕЧНА МАКЕДОНИЈА!

Виолета Сековска