Мицкоски: Јасно овде стои „трас трас без Заев Врховен не може“, ставивте член бомбите да не важат

Како ќе суди судијата господине Заев, како вие што ќе кажете, по принципот на „трас трас“ или по принципот „оваа одлука без Заев не можеше да се донесе?“, изјави лидерот на ВМРО-ДПМНЕ, Христијан Мицкоски на вечерашниот дуел со лидерот на СДСМ, Зоран Заев на Канал 5 телевизија.

„Навистина не можам да го разберам, дека е објективно дека гарантира правда, правичност, но еве ќе си дозволам пред вас да го прочитам членот 110 од овој Закон, став 1 вели „јавното обвинителство не може да го заснова обвинението врз основа на незаконски прислушувани материјали„ каде е тука јавниот интерес? Каде е тука Судот за човекови права во Стразбур?“ – вели Мицкоски.

Мицкоски истакна дека има многу случаи каде што и нелегално стекнат материјали поради јавен интерес и основано сомнение за криминал се земаат како докази. „Да ги читам став 2 и став 3? Знаете што е дефиниција за заробена држава, кога се прави закон за определена група на луѓе. Законот вика исклучок од овој член се предметите од јавното обвинителство поранешното СЈО кои што се поднесени до 30 јуни, а се што е после 30 јуни може да с користат само како индиции и да нив не може да се заснова обвинителен акт.

Во Законот за кривична постапка велат доказите кои што се доставени стекнати на нелегален начин не може да бидат третирани како докази. Како ќе суди судијата господине Заев, како вие што ќе кажете, по принципот на „трас трас“ или по принципот „оваа одлука без Заев не можеше да се донесе?“ – потенцираше Мицкоски.