Кога во бурните деведесетти години, под притисоци, закани и политички прогон, ја основавме ВМРО-ДПМНЕ, не го правевме за функции, туку за Македонија. Со срце, со визија и со жртва ја поставивме основата на партија која ќе стане најсилниот бедем на македонската државност и иднина. И уште тогаш ја кажавме вистината: Македонија е геополитичка раскрсница на Балканот!

Но тогаш ни се смееја. Ни велеа дека сме „националисти“, дека не ја разбираме „новата реалност“, а зад тие флоскули го криеја распродавањето на државните интереси.

Денес, три децении подоцна, светот се менува, Балканот гори од интереси, а Македонија нашата татковина стои токму таму каде што отсекогаш стоела, во центарот на Балканот!

Гасоводот, автопатите, железниците, електричната енергија, миграциите, безбедносните канали и геополитичките влијанија, сè поминува низ Македонија. Денес дури и тие што не веруваа, признаваат дека Македонија е стратешка точка од прв ред.

Но, прашањето е дали имаме луѓе кои ја сакаат оваа земја доволно за да не ја продадат за лични интереси?

ВМРО-ДПМНЕ, водена од новата генерација политичари на чело со Премиерот Христијан Мицкоски и со силна потпора од народот, членовите, симатизерите, основачите и ветераните, Македонија денес се враќа на својата коренска мисија: да ја сочуваме и изградиме Македонија како независна, достоинствена и силна држава со гордо крената глава.

Македонија е повеќе од парче земја. Таа е крстопат, судбина, срж на Балканот.

Македонија е раскрсница и на таа раскрсница ние избираме иднина!

Македонија е се што имаме!

Вечна да е Македонија!